【大埔汀角Pimary　自然風複合式小屋】

Photo from 曲奇獸

週末假日想迫使自己脫離一下日常軌道，可以踩單車黎個遠走高飛嘅半日閒遊，走訪大埔汀角，享受被大自然圍繞嘅假日時光。

前往大美督嘅路上，隱身於蘆慈田村嘅複合式小店Pimary，離開繁囂市區，將兩層高小屋翻新，為客人提供無人打擾嘅慢活空間。

Photo from 曲奇獸

有別於外面嘅咖啡店，家庭式經營嘅Pimary定位為回歸自然小店，售賣關於護理及綠色生活嘅產品，並同藝術人合作，於小小村屋分享天然、環保嘅理念。

Photo from 曲奇獸

大門旁邊的窗口引入自然陽光，係不少到訪客人嘅首選之位，堆疊嘅小石頭同充滿綠意嘅外邊景色令人有種唔係香港既感覺。

Photo from 曲奇獸

Photo from 曲奇獸

踏入門口，木櫃前台擺放由店主挑選嘅多種環保廚房用具，使用竹及粟米纖維製成嘅素色系Zuperzozial餐具及Cabanaz嘅復古搪瓷用品、以及可回收物料製造嘅Ecology廚具等等，都可於店內或網店購買。

Photo from 曲奇獸

Photo from 曲奇獸

一樓空間由吊掛的綠意植栽作為點綴，其實係介紹新西蘭天然護膚品The Herb Farm嘅小空間。

Photo from 曲奇獸

一樓除咗護理產品介紹，另設一獨立房間舉行藝術家駐留計劃，將藝術帶入鄉村小鎮，為擁有相同理念嘅藝術家提供創作的地方。

Photo from 曲奇獸

只要登入Pimary網站成為會員，店員會呈上石頭餐牌。飲品選擇固定，餐點需再詢問店員確認。

Photo from 曲奇獸

咖哩飯同All day breakfast ，走穩陣路線，揀選牛油果煙三文魚等多士配上炒蛋、紫薯、焗菇及滿滿沙律，清新食材令肥膩及內疚感大減。

Photo from 曲奇獸

只想躲於小屋渡過耳根清靜嘅客人，亦可選購書本或自行帶書，於悠然靜謐氛圍下，渡過彷如隱居自然嘅舒適假日。另帶一提，單車或駕駛人士亦可將車泊於店外車位。

All day breakfast ($116)

Pimary
地址 | 香港新界大埔汀角路大尾篤蘆慈田村25 號
電話 | 24088938
時間 | 一四五 1200-1800 | 六日 1100-1900